Azərbaycanın iqtisadi artımı haqqında - Fitch Solutions
- 12 yanvar 2023
“Fitch Solutions” beynəlxalq reytinq agentliyi 2023-cü ildə Azərbaycanın iqtisadi artımın 3,7%-ə qədər yavaşlayacağını proqnozlaşdırıb.
banks.az xəbər verir ki, bu barədə beynəlxalq reytinq agentliyinin hesabatında qeyd edilib. Hesabata əsasən, 2023-cü ildə neft və qaz qiymətlərinin aşağı düşməsi Azərbaycan iqtisadiyyatının 50,0%-dən çoxunu təşkil edən ölkənin enerji sektoruna ağır təsir göstərə bilər.
"Bununla belə, əsas kapitalın formalaşması 2023-cü ildə və ondan sonrakı illərdə artıma daha çox töhfə verəcək, çünki Azərbaycanın enerji ixracatına Avropa tələbatı artdıqca, potensialın artırılmasına investisiya tələb olunur”, - “Fitch Solutions” qeyd edib.
“Fitch Solutions” həmçinin, Azərbaycan iqtisadiyyatının 2023-cü ildə artım baxımından 2011-2021-ci illər arasında qeydə alınmış 1,3%-lik tarixi on illik orta göstəriciyə nisbətən daha yüksək performans göstərəcəyini vurğulayıb.
- Teqlər:
- iqtisadiyyat