Bank sektorunun xarici öhdəlikləri artıb

Cari ilin noyabr ayında manatla geniş mənada pul kütləsi ilin əvvəlinə nisbətən 20,1 faiz, ötən ilin müvafiq dövrünə nəzərən isə 26 faiz artaraq 28,664,2 milyon manat təşkil edib.

Bu barədə banks.az Mərkəzi Banka istinadla xəbər verir.

Qeyd edilir ki, bank sektorunun xarici öhdəlikləri ilin əvvəlinə nisbətən 706 milyon manat artaraq 1,769,3 milyon manat olub.

Xarici öhdəliklərdəki qeyd olunan dəyişiklik əsasən qeyri-rezident fiziki şəxslərin cari hesabları və qeyri-rezident bankların "loro" müxbir hesabları və depozitlərinin həcmindəki artım ilə əlaqədardır.