Telekommunikasiya şirkətləri - Azercosmos

“Azercosmos” 3 may 2010-cu ildə yaradılan və tam olaraq Azərbaycan Respublikası hökumətinə məxsus Qafqazdakı yeganə peyk operatorudur. Azərbaycanın ilk peyki olan Azerspace-1-i 8 Fevral 2013-cü ildə işə salan şirkət, DTH, səs, video, məlumat və mobillik tətbiqləri üçün müəssisə və hökumət müştərilərinə yüksək etibarlı, peyk əsaslı rabitə xidmətləri göstərir. Azerspace-1 telekommunikasiya peykinin inkişaf etmiş dizaynı və çevik keçid imkanları sayəsində milyonlarla tamaşaçı dünya miqyasında informasiya və rabitə xidmətlərindən istifadə edə bilirlər. Azerspace-1 Mərkəzi Asiya, Avropa, Afrika və Yaxın Şərqdəki 50-dən çox ölkəni birləşdirən ortaq məkanda mühüm bir qapı rolunu oynayır.