Hüseyn Cavid prospekti 180 ünvanında tikilən bu bina görünüşü ilə sizi heyran edəcək. Yaşayış kompleksi 18 mərtəbəli 3 bloklu binadan ibarətdir. Möhtəşəm görkəmli “Barokko” üslublu tikili ətrafa xüsusi gözəllik gətirəcək və özündə rahatlığı, keyfiyyəti cəmləşdirəcək.

Onu da nəzərinizə çatdırmaq istəyirik ki, bu ərazidə bir çox təhsil müəssəsi yerləşir.

Binanın zəlzələyə davamlılığı üçün Ukrayna istehsalı yüksək keyfiyyətli, kimyəvi qatqısız “B-25” betonundan istifadə edirik. Betonun daha keyfiyyətli və hamar alınması üçün istifadə olunan qəliblər isə Almaniyanın məşhur “Peri” şirkətinindir. Tikintidə istifadə edilən armaturlar Ukraynada istehsal olunub.

Binanın mərkəzi isitmə və soyutma sistemi ilə təmin olunması enerjiyə qənaətə, kondisionerlərin ətrafa zərərli maye axıtmamasına və bina fasadının hər zaman cəlbedici qalmasına şərait yaradacaq. İtaliyada hazırlanmış taxta, çöl qatı alüminium olan 2 kameralı, 3qat 8 mm-lik şüşədən ibarət izolyasiyalı pəncərələr mənzilinizi ətraf mühitin səs-küyündən qoruyacaq. Binanın fasadına 8 sm qalınlığında aqlay daşlarından üzlük çəkiləcək ki, bu da onun görünüşünə fərqlilik gətirəcək. Mənzillərin qışda isti, yayda isə sərin qalması üçün binanın xarici divarlarına ekoloji cəhətdən təmiz, radiasiyasız, isti və soyuğu keçirməyən xüsusi izolyasiya qatı çəkiləcək. Su xüsusi qurğular vasitəsi ilə mexaniki və bakterioloji təmizləmələrdən, codluğunun tənzimlənməsindən sonra veriləcək. Kompleksin birinci mərtəbəsində gündəlik tələbatlarınızı ödəmək üçün ticarət mərkəzi yerləşəcək. Bundan başqa tikiləcək türk hamamında və müasir idman qurğuları ilə təchiz edilmiş idman zalında sakinlərimiz ağır iş gününün yorğunluğunu ata biləcəklər. Binada fasiləsiz elektrik enerjisini təmin edəcək generatorlar olacaq. Finlandiyanın “Kone” firmasının məhsulu olan təhlükəsiz liftlər quraşdırılacaq. 24 saat çalışan təhlükəsizlik xidməti, kamera-nəzarət sistemi və kodlaşdırılmış blok qapıları təhlükəsizliyinizə tam zəmanət verəcək. Yaşayış kompleksində fəaliyyət göstərəcək komendant xidmətinin olması sizi bir sıra məişət qayğısından azad etmiş olacaq.

Sakinləri mənzillərinin Daşınmaz Əmlakın Dövlət Reyestrindən Çıxarışla (kupça) da təmin edəcəyik.

Kompleksdə sakinlərin rahatlığı üşün iki mərtəbədən ibarət olan yeraltı avtodayanacaq da nəzərdə tutulub.