“Melissa Park” göz oxşayan infrastrukturu və ərazisinin landşaft dizaynı olan çoxbloklu ekonom binadır.

Harada yerləşir?

Şəhərin əsas infrastruktur qovşaqlarının və 20 yanvar metro stansiyasının yaxınlığında, Həsən bəy Zərdabi prospekti 3166-cı məhəllədə yerləşən Melissa Park yaşayış kompleksi rahat həyatın bütün elementlərini sakinləri üçün əlçatan edir. Layihə şəhərin əsas yolları ilə əhatə olunmuşdur (Tbilisi prospekti, Zərdabi prospekti və Salamzadə küçəsi istiqamətində giriş-çıxışlar mövcuddur). Kompleksdən 20 yanvar metro stansiyasına 10 dəq-ə çatmaq mümkündür.

Yaxınlığında nə yerləşir?

Mənzil seçərkən nəzərə alınması ən vacib olan nüans ətraf mühitdir. Burada, önəmli olan yalnız havanın təmizliyi deyil, eləcə də ətrafdakı lazımi obyektlərdir. Yaxınlıqda yerləşən təhsil müəssisələrinin "Bakı Biznes Universiteti", "Tibb Kolleci", "A. Əliyev adına 2 saylı Həkimlərin İxtisaslaşdırma İnstitutu"-nun kompleksə yaxınlığı gənclər üçün olduqca əhəmiyyətlidir. Kompleksin həm 286 və 159 saylı məktəblərə, həm də “Cahan” uşaq bağçasına yaxın olması övladlarınızın məktəbə və ya bağçaya uzaq yol getməsinin verdiyi narahatçılıq hissini aradan qaldıracaqdır. “Bravo”, “Araz”, “Neptun” və digər ticarət obyektlərinə yaxınlıq sizə uzağa getmədən aylıq ev bazarlığınızı etməyə imkan yaradacaqdır. Melissa Park şəhərin tibbi xidmət sektorunun yüksək inkişaf etdiyi hissəsində inşa edilmişdir. Yeni tikilinin yaxınlığında "Mirqasımova adına Respublika Klinik Xəstəxana"-sı, "Respublika Onkoloji Mərkəzi", "Topçubaşov adına Elmi-Cərrahiyyə Mərkəzi", uşaq xəstəxanası və "N. Tusi adına Klinika" vətəndaşlara xidmət göstərir.

Tikintinin parametrləri

Ümumi sahəsi 7 ha olan ərazinin 30%-ni binalar, 70%-ni isə geniş həyətyanı sahəni əhatə edən yaşıl park təşkil edir. Ekoloji təmiz və təhlükəsiz ərazidə geniş yaşıl sahəni əhatə edən, sağlam həyat tərziniz üçün ağac və bitkilərin, skamyaların, yelləncəklərin yer aldığı geniş həyətyanı sahədə sizin və ailə üzvlərinizin rahatlığı üçün hər bir vasitə sizə əlçatan olacaqdır. Ümumilikdə 22 binadan ibarət olan yaşayış kompleksinin 1-ci massivindəki 9 bina yaşayışa təhvil verilərək, çıxarış sənədi ilə təmin olunmuşdur. Növbəti 7 binadan ibarət 2-ci massivin tikintisi sürətli şəkildə davam edir.

Bütün layihələrində olduğu kimi "Melissa Park" layihəsində də Melissa Group seysmik davamlılığı və səmərəli enerji sistemini təmin etməyə imkan verən texnologiyalardan istifadə edir. Layihənin təməli dəmir betondan töküldüyündən və bütün divarları yüksək keyfiyyətli qırmızı kərpicdən inşa olunduğundan binalar sakinlərinə özlərini təhlükəsiz hiss etməyə imkan yaradır. Binaların xarici fasadında müasir memarlığın tələblərinə cavab verən, eləcə də mənzillərin qışda isti, yayda sərin olmasını təmin edən alman texnologiyası ilə hazırlanan daş yun materialından istifadə olunur. Əlavə olaraq, sürətli və səssiz liftlər ilə təchiz olunan binalarda sakinlər özlərini müasir texnologiyanın astanasında hiss edəcəklər.

Yeni kompleksin ərazisində var:

Həyətyanı sahəsi olan "Melissa Park"-da siz ailəniz, qonşularınız və ya dostlarınızla əla vaxt keçirəcək, idmanla məşğul ola biləcək və uşaqlarınızın oyun meydançasında əylənməsini seyr edəcəksiniz. Ekoloji təmiz və təhlükəsiz ərazidə geniş yaşıl sahəni əhatə edən, sağlam həyat tərziniz üçün ağac və bitkilərin, skamyaların, yelləncəklərin yer aldığı geniş həyətyanı sahədə sizin və ailə üzvlərinizin rahatlığı üçün hər bir vasitə əlçatan olacaqdır.

Öz infrastrukturunun obyektləri:

Yeraltı parkinq;
Uşaq bağçası;
Hipermarket;
Kafe və restoran;
Fitness-mərkəzi, Spa.
Kompleks ərazisində (yeraltı qaraj daxil olmaqla) sakinlərin güvənliyi və təhlükəsizliyi üçün mühafizə agentliyinin mütəxəssisləri fəaliyyət göstərir. Videomüşahidə sistemi sayəsində sakinlər arzuolunmaz hadisələr zamanı heç bir narahatçılıq hissi keçirməyəcəkdir.

Mənzillər haqqında

Layihə üzrə kifayət qədər geniş mənzil planlaşdırması nəzərdə tutulub. Alıcılara müxtəlif formatlı sahəsi 43-107 kv.m olan 1, 2 və 3 otaqlı və sahəsi 27 kv.m olan smart mənzillər təklif olunur. Planlaşdırmalar bir neçə variantda təqdim olunmuşdur.

İnsanların müzakirə olunmaz zövq müxtəlifliklərini nəzərə alaraq, mənzillər alıcılara, seçə biləcəyi iki növ klassik və modern təmirlə təklif olunur. Əlavə olaraq, təmirsiz mənzil almaq imkanı da vardır. Təmir nümunələri ilə Melissa Group-un rəsmi veb saytında tanış olmaq mümkündür.

Mənzillər nağd və ipoteka ilə satılır. İpoteka şərtlərini satış mərkəzinə yaxınlaşaraq satış menecerləri ilə müzakirə edə bilərsiniz.