Azərbaycanın əksər bankları Rusiyanın pulköçürmə sistemləri ilə əməliyyatları dayandırıb
- 01 mart 2022
Azərbaycanda fəaliyyət göstərən əksər banklar Rusiyaya məxsus “Contact” və “Zolotaya Korona” pulköçürmə sistemləri üzərindən əməliyyatları dayandırıblar.
banks.az Report-a istinadən xəbər verir ki, hazırda banklar rublla nağd və nağdsız əməliyyatlar həyata keçirmir.
Son nəticədə Rusiyadan Azərbaycana və əks istiqamətdə pul köçürmələri digər xarici valyutalarda yerinə yetirilir.
Bundan başqa, banklarda rublla olan hesablara mədaxilə və rublla olan hesablardan məxaricə də məhdudiyyət tətbiq olunub. Rublda olan bir hesabdan digər hesaba pul köçürmələri üçün isə maksimal hədd tətbiq edilib.
Bununla belə, "Zolotaya Korona" pul köçürmələri xidmətinin direktoru İvan Sitnov “Report”a ekskluziv açıqlamasında deyib ki, transferlərdə hər hansı dəyişiklik yoxdur: "Zolotaya Korona” Azərbaycanda həmişəki kimi işləyir, biz oradakı tərəfdaşlarımızla daimi dialoqdayıq. Bütün ödənişlər müntəzəm olaraq istənilən valyuta üzrə həyata keçirilir".
- Teqlər:
- pul köçürmələri
- Reyestr:
- Zolotaya Korona