Ansar Leasing / Şirkət növü: Lizinq şirkəti

"Azərbaycan Lizinq Şirkəti" MMC Özəl Sektorun İnkişafı üzrə İslam Korporasiyası tərəfindən təsis edilmiş və 2008-ci il dekabr ayının 12-də rəsmi dövlət qeydiyyatından keçmişdir. Ticarət nişanı “ANSAR LEASİNG” olan şirkətin nizamnamə kapitalının həcmi 5000000 manat təşkil edir. Müəssisə əsasən maliyyə lizinqi xidmətlərinin göstərilməsilə məşğuldur. Fəaliyyətində Şəriət qaydalarını rəhbər tutan müəssisə qısa müddət ərzində Azərbaycanın lizinq bazarında aparıcı mövqeyə sahib olmaq niyyətindədir. Şəriət qaydaları əsasında fəaliyyət göstərmək müştərilərin maraqlarını müdafiə etməyə və onların rəğbətini qazanmağa xidmət edir. Professional əməkdaşlarımız müştərilərimizin məmnunluğu üçün əllərindən gələni əsirgəmirlər. “Əl-Ənsar” sözünün mənası “kömək edən”, “qoruyan” deməkdir. Bu sözün başqa mənası da var. Müsəlman tayfaları Məkkədən Yəsribə köç edən zaman Ansarlar (“müttəfiqlər”, “yardım əli uzadanlar”), yəni Yəsrib tayfaları Məhəmməd Peyğəmbəri özlərinin dini müəllimi kimi qəbul ediblər. Onlar mühacirlərə köməklik göstərmiş və Mədinə şəhərində qalmaq üçün yer vermişlər.