Modenis İş

Modenis MMC 2012-ci ilin sentyabr ayında fəaliyyətə başlamış və 2013-cü ilin martın 5-də eManat brendi ilə Azərbaycan ödəniş bazarına daxil olmuşdur. Şirkət hazırda özünəxidmət nağd ödəniş köşkləri şəbəkəsini və eManat+ elektron pul kisəsi/online ödəniş platformasını idarə edir. Hazırda ödəniş köşkləri şəbəkəsinə Bakı/Abşeron/Sumqayıtda 2000-dən artıq, bütün ölkə ərazisində isə 3000-dən artıq köşk daxildir. emanat.az saytı və eManat+ IOS/Android mobil tətbiqləri vasitəsilə istifadəçilər nağdsız şəkildə elektron pul kisəsi və ya bank kartı hesabından müxtəlif ödənişləri tez və rahat həyata keçirə bilərlər. eManat ödəniş köşkləri və eManat+ platforması vasitəsilə 200-dən artıq xidmət təminatçısının xeyrinə kommunal xidmətlər, mobil rabitə, telefon, internet, kabel televiziyası, əyləncə, bank və s. ödənişlər etmək mümkündür. Bu baxımdan şirkət həm köşklər həm eManat+ online platforması ilə istifadəçilərə 360 dərəcəli ödəniş imkanları təqdim edir.