banks.az
banks.az
  • az
    • AzərbaycanAZ
    • русскийРУ
    • EnglishEN
  • Müqayisələr
az
  • AzərbaycanAZ
  • русскийРУ
  • EnglishEN
Müqayisələr
  1. Əsas səhifə

"Moody's": Azərbaycan bankları xərclərin səmərəliyinə görə MDB-də liderlərdəndir

    • Maliyyə
  • 23 avqust 2021

"Moody's Investors Service"in yeni araşdırmasına görə, Azərbaycan bankları "xərc-gəlir" nisbətinə görə MDB məkanında liderlər arasındadır.

Agentliyin məlumatına görə, (əməliyyat xərclərinin əməliyyat gəlirinə nisbəti) 2020-ci ilin yekunlarına əsasən bu göstərici Azərbaycan bank sektorunda 43% təşkil edib və ölkə Ukrayna (75%), Belarus (52%), Rusiya (45%) və Özbəkistan (45%) kimi ölkələri qabaqlayıb.

Sözügedən əmsalın aşağı olması biznesin daha gəlirli olmasından xəbər verir.

Bu göstəricinin Azərbaycanda sözügedən ölkələrdən daha yaxşı olmasının səbəbini "Moody's" yerli banklarda adətən ən çox əmək və xərc tələb edən pərakəndə bankçılığın həcminin ümumi fəaliyyətin yarısından azını təşkil etməsində görür. Bundan əlavə, xərclərin optimallaşdırılması çərçivəsində yerli banklar filiallarının və işçilərinin sayını azaldır.

Lakin agentlik bildirir ki, hazırda böyüməkdə olan pərakəndə bankçılıq seqmenti xərcləri artıra bilər və "xərc-gəlir" nisbətinə pis təsir edə bilər.

"Moody's" hesab edir ki, artan rəqəmsallaşma yerli bankların pərakəndə biznesin genişlənməsində yaranan xərcləri kompensasiya etməyə kömək edəcək və komissiya və digər haqlarını artırmağa sövq edəcək.

Beləliklə, agentliyə görə, Azərbaycan banklarının xərclərinin səmərəliyi rəqəmsal bankçılığın həcminin artmasından bəhrələnəcək.

Qeyd edək ki, Mərkəzi Bankın məlumatına görə, 2021-ci ilin I yarım ili ərzində internet bankçılıq xidmətləri vasitəsilə aparılan müştəri köçürmələrinin həcmi ötən ilin analoji dövrü ilə müqayisədə 58,5%, mobil bankçılıq xidmətləri vasitəsilə aparılan köçürmələrin həcmi isə 2,4 dəfə artaraq müvafiq olaraq 59 mlrd. və 1,6 mlrd. manata çatıb. Cari ilin ilk yarısında bank müştərilərinin cari hesablarından aparılan köçürmələrin ümumi həcmi isə 93,3 mlrd. manat təşkil edib.
©Apa

  • Teqlər:
  • iqtisadiyyat

Oxşar xəbərlər

Maliyyə
“Fitch” Azərbaycanın bank sektoru ilə bağlı mühüm siqnallar verdi
17 oktyabr 2024
“Fitch” Azərbaycanın bank sektoru ilə bağlı mühüm siqnallar verdi
Maliyyə
Fitch Solutions: Bu il Azərbaycanda inflyasiya AMB-nin hədəf diapazonuna yaxın olacaq
15 avqust 2024
Fitch Solutions: Bu il Azərbaycanda inflyasiya AMB-nin hədəf diapazonuna yaxın olacaq
Maliyyə
Azərbaycandakı bankların cəmi aktivləri 50 milyard manatı ötüb
23 iyul 2024
Azərbaycandakı bankların cəmi aktivləri 50 milyard manatı ötüb
Maliyyə
Dünya Bankı: "Azərbaycan pandemiyaya görə dərhal addım atmış ölkələrdəndir"
04 may 2023
Dünya Bankı: "Azərbaycan pandemiyaya görə dərhal addım atmış ölkələrdəndir"
Maliyyə
AYİB-dən Azərbaycanla bağlı yeni proqnoz
16 fevral 2023
AYİB-dən Azərbaycanla bağlı yeni proqnoz
Maliyyə
Azərbaycan ili iqtisadiyyatın kiçilməsi ilə başladı
13 fevral 2023
Azərbaycan ili iqtisadiyyatın kiçilməsi ilə başladı