SİMA ilə banks.az maliyyə supermarketində kredit sorğularını daha rahat göndər

Azərbaycanın ilk maliyyə supermarketi banks.az müştərilərin ehtiyaclarını qarşılamaq məqsədilə qabaqcıl rəqəmsal həllərin tətbiqini davam etdirir.

Belə ki, artıq istifadəçilər SİMA yeni nəsil rəqəmsal imza həlli vasitəsilə identifikasiyadan keçərək kreditlər ilə bağlı sorğularını banks.az üzərindən rahat şəkildə göndərə biləcəklər.

Yeni nəsil rəqəmsal imzanı əldə etmək üçün SİMA tətbiqini mobil cihaza yükləmək və bir dəfə qeydiyyatdan keçmək kifayətdir.

SİMA rəqəmsal imza həlli ilə bağlı ətraflı məlumatı şirkətin rəsmi saytından və 157 qısa nömrəsi ilə əlaqə saxlayaraq “AzInTelecom” Zəng Mərkəzindən əldə edə bilərsiniz.

banks.az Azərbaycanın ilk maliyyə supermarketidir və tam müstəqil platformadır.

banks.az bu gün maliyyə supermarketi, maliyyə xəbərləri portalı, analitika və reytinq mərkəzi, həmçinin interaktiv xidmətlər göstərən platformadır.

Portal maliyyə sahəsindəki yenilikləri işıqlandırır, həmçinin bank, BOKT, sığorta və investisiya bazarlarının məhsullarını təqdim edir.

banks.az-ın əsas vəzifələri:
maliyyə bazarı haqqında ən operativ, etibarlı və ətraflı məlumat ilə təmin etmək;
müştərilərə ən sərfəli məhsulları seçməkdə kömək etmək;
şirkətlərin keyfiyyətli müştərilər tapmasına və əlaqə qurmasına tövhə verməkdir.

Bu gün hər kəs banks.az vasitəsilə Kredit və Kart köməkçi sistemləri üzərindən bir sorğu ilə eyni anda bir neçə bankdan kredit təklifləri ala bilərlər.