Azərbaycan Mərkəzi Bankı (AMB) tərəfindən "rəqəmsal manat" konsepsiyasının hazırlanması nəzərdə tutulub.

banks.az xəbər verir ki, bu barədə "Fintex Sammmit" Maliyyə və Texnologiya sərgisində çıxış edən Azərbaycan Mərkəzi Bankının Ödəniş Sistemləri və Hesablaşmalar Departamentinin baş mütəxəssisi Rəşad Qasımov bildirib.

O qeyd edib ki, bir sıra qabaqcıl ölkələrin mərkəzi bankları tərəfindən valyutalarının rəqəmsal versiyası istifadəyə verilib:

“Mərkəzi Bank olaraq bu kimi təşəbbüsləri yaxından izləyirik. "Rəqəmsal manat" konsepsiyasının hazırlanmasında da xarici mərkəzi bankların təcrübəsindən istifadə olunur”.

R. Qasımov bildirib ki, müxtəlif əhali qrupları üçün maliyyə savadlılığı tədbirlərinin keçirilməsi və rəqəmsal ödənişlərin müsbət cəhətlərinin aşılanması istiqamətində dövlət qurumları və banklarla birlikdə AMB fəaliyyətini davam edir.

O qeyd edib ki, nəzərdə tutulan tədbirlərin həyata keçirilməsi istiqamətində müasir rəqəmsal ödəniş ekosisteminin iştirakçıları arasında Mərkəzi Bank, kommersiya bankları, “Azərpoçt”la yanaşı, fintexlərin də cəlb olunacağı gözlənilir:

“Bu baxımdan da Azərbaycan Banklar Assosiasiyası ilə yanaşı, Azərbaycan Fintex Assosiasiyasının da fəal iştirakını nəzərdə tutmuşuq”.
Report