"Bakı Fond Birjası"nın dövriyyəsi artıb

Bakı Fond Birjasında 2021-ci ilin yanvar-iyul ayları ərzində qiymətli kağızlar üzrə keçirilən əməliyyatların ümumi həcmi 9 468,754 milyon təşkil etmişdir.

Fineko BFB-yə istinadən xəbər verir ki, bu, ötən ilin müvafiq dövrü ilə müqayisədə ümumi ticarət həcmində 57%, ilkin bazar üzrə ticarət həcmində 38%, dövlət qiymətli kağızlar bazarı üzrə ticarət həcmində 41%, repo əməliyyatları üzrə isə 334% böyümə qeydə alınmışdır.

2021-ci ilin iyul ayının son ticarət günü üzrə Bakı Fond Birjasının kapitalizasiyası ilin əvvəlinə nisbətən 11% artaraq 4,303,386 milyon manat təşkil edib.