Kredit müqavilələri ilə bağlı yenilik
- 19 yanvar 2023
“Artıq kredit müqavilələri Mülki Məcəllənin normaları ilə tənzimlənəcək”.
banks.az Apa-ya istinadən xəbər verir ki, bunu Milli Məclisin Hüquq siyasəti və dövlət quruculuğu komitəsinin bu gün keçirilən iclasında Milli Məclis Aparatının İqtisadi qanunvericilik şöbəsinin müdiri Məhəmməd Bazıqov deyib.
O bildirib ki, vətəndaşların, istehlakçıların hüquqları Mülki Məcəllə çərçivəsində qorunacaq.
Komitə sədri Əli Hüseynli bildirib ki, faktiki olaraq kredit verən hər zaman üstünlük əldə edirdi: “Bununla bağlı bir çox məhkəmə işləri də var. Mülki Məcəlləyə bu cür normaların gəlməsi vətəndaşların və istehlakçıların hüquqlarının müdafiəsi baxımından çox mühümdür. Bütün dünyada bu cür münasibətlər müqavilə ilə tənzimlənir”.
- Teqlər:
- kredit