Təkmilləşmənin ən vacib istiqaməti rəqamsal bankların yaradılmasıdır – Zakir Nuriyev

Xəbər verdiyimiz kimi Azərbaycan Banklar Assosiasiyasının (ABA) prezidenti Zakir Nuriyev bank sektoru ilə bağlı bəzi açıqlamalar verib.

banks.az xəbər verir ki, ABA sədri bank sektorunda təkmilləşmənin ən vacib istiqamətlərindən biri məhz rəqəmsallaşma olduğunu deyib.

Onun sözlərinə görə, rəqəmsal transformasiyanın daha da nüfuz etdiyi müasir dövrdə dayanıqlı və rəqabətli bank sektorunun qurulması istiqamətində prioritet hədəflərdən biri də rəqəmsal bankların yaradılması ola bilərdi.

“Hesab edirik ki, ölkəmizdə maliyyə-bank sektorunda rəqəmsal transformasiyanın daha effektiv formada tətbiqi bank sisteminin rəqabət qabiliyyətinin daha da yüksəldilməsi, maliyyə yüksüzlüyünün genişləndirilməsi, bank xidmətlərində fiziki məkandan aslılığın aradan qaldırılması, xüsusən xərclərə qənaət edilməsi məqsədilə rəqəmsal bankçılıq sahəsində qanunvericilik bazası formalaşdırma prosesi sürətləndirilə və dövrün tələblərinə uyğunlaşa biləcək daha da dinamik təməllər üzərinə keçirilə bilər”, - deyə Z.Nuriyev qeyd edib.